Ҵәыџьба: Аиааира Ду амш ныҳәаз апарад амҩаԥгара ҳазыхиоуп
© Sputnik
"Аџьынџьтәылатәи еибашьра Ду иаҳзаанагаз ацәгьара атәы аадыруеит, ари акыр зҵазкуа мшуп зегьы ҳзы. Атәылахьчара аминистрра мызкы шагыз аҽазыҟаҵарақәа ҳрылагьахьан. Аҵыхәтәантәи аҽызаҟаҵараан ахәшьара бзиа ҳауит, апарад ҳазыхиоуп. Маи 9, асааҭ 12 рзы, Идырым асолдаҭ ибаҟа аҿаԥхьа ацәаҳәа ҳақәгылоит. Аԥсны арбџьарымчқәа рырхәҭақәа адагьы, апарад иалахәхоит Урыстәылатәи абыжьбатәи абаза архәҭагьы, зынӡа иааидкылан 500-ҩык инарзынаԥшуа аруаа апарад иалахәхоит", — азгәеиҭеит Ҵәыџьба арадио Sputnik Аԥсны аефир аҟны.