АҞӘА, лаҵара 11– Sputnik. XXV ашьапылампыл азы Аԥсны ачемпионат атурқәа 10 реихшьаалақәа рыла аҟәатәи "Нарҭ" 27 кәатала аманы егьырҭ акомандақәа ираԥнагеит. Астадион "Динамо" аҿы "Нарҭи" "Гагреи" реицыхәмарра 3:1 ҳәа ихыркәшахеит.
Лаша Коӷониа иҿцәажәара инарҭбаан шәазыӡырҩыр ҟалоит абра>>
Абри ахәмарра аламҭалаз "Гагра" 19 кәатала аман, "Нарҭ" уи хә-кәаталак рыла иаԥнагон. Алҵшәақәа еихнашьалеит аҵыхәтәантәи ахәмарра.
"Ҳара иаадыруан абри ахәмарра аиааира ҳзаанагар шалшоз. Иҳалшоз зегь ҟаҳҵеит", — иҳәеит "Нарҭ" ахәмарыҩ Лаша Коӷониа.
XXV ашьапылампыл азы Аԥсны ачемпионат иалахәын акомандақәа быжьба: аҟәатәиқәа "Нарҭи" "Динамои", гәдоуҭатәи "Риҵа", афонтәи "Афон", очамчыратәи "Ерцахә", галтәи "Самырзаҟан", гагратәи "Гагра".