АҞӘА, рашәара 6 – Sputnik, Бадри Есиава. Аԥснытәи аотельерцәа рахь аҳәара ҟаҵоуп амцҳәаҩцәа ирыхҟьаны апутиовка ԥаршеиқәа аазхәаз ауаа хәыда-ԥсада ирыдыркыларц иҳәеит Аҟәа имҩаԥысуаз апресс-конференциаҟны Акурортқәеи атуризми рзы аминистр Авҭандил Гарцкьиа.
"Ари аҭагылазаашьаҿы ҳара хара шҳамамгьы, иҟалаз азы аполициа рахь ашәҟәы назышьҭыз ҳрыцхраарц иҳаҳәеит", — иҳәеит Гарцкьиа.
Гарцкьиа иазгәеиҭеит арҭ ауаа ргәызианра иахҟьеит, Аԥсны апутиовка ахәԥса лаҟәны ианрыдыргала иаархәеит ҳәа, аха иара убри аан аҳәынҭқарра аҭакԥхықәра ахахьы иагароуп ҳәа.
"Иацтәи аилатәараҿы атәыла Ахада азинхьчаратә органқәа адҵа риҭеит аҭел изласуаз ателефонқәа рномерқәа рыԥшаарц", — иҳәеит иара.
Заанаҵтәи аԥхьаӡарақәа рыла амцҳәаҩцәа 50 000 атуристцәа Аԥсны иалыргар, ареспублика миллиардк мааҭ рҟынӡа ацәыӡ аиуеит, иҳәеит аминистр.