Габниа арежиссиор Говорухин изкны: ибзоурала каскадиорс сҟалеит
© Sputnik
"Афильм "Робинзон Крузо" Аԥсны иҭырхарц иааит. Ауаҩы дырҭахын амшынқәылаҩ ироль ихәмаруаз. Аҟазара адагьы аспорт иадҳәалоу ӡәыр дшәымоума ҳәа ианҵаа, сыӡбахә рҳәеит. Амшын аҟәараҟны аҭыхрақәа ыҟан. Епизодк аӷба аҟынтәи амшын алаԥалара акәын- уи мариан, егьи уадаҩын. Ала иаҟараны ахьаԥырч "дикообраз" ҳәа изышьҭоу укәымпылны уахаҳар акәын. Қарҭынтәи иааргаз акаскадиорцәа мап ркит уи аҟаҵара. Иузыгәаӷьру ҳәа иансазҵаа, схы ԥысшәар сҭахын, сақәшаҳаҭхеит. Афильм "Робинзон Крузо" аҟны амшынқәылаҩ ироль анаҩс "Мосфильм" ахь атриукқәа рыҟаҵара исыԥхьалон. Говорухин ибзоурала уаҟа акаскадиор иаҳасабала жәашықәса ашәҟәы сҭагалан. Иахьа сара соуп Аԥсны зҽаԥсазтәыз акаскадиор ҳәа иҟоу", — иҳәеит Габниа.