"Ҳазшаз аурычра амшқәа рзы ииҭаху ачҳара аарԥшра ауп. Ари амза Аҟәарҟан анаашьҭыз амзоуп. Амсылман изы аиашаеи аҵабырги реилыргаразы имоу Аҟәарҟан шәҟәы ауп. Уахык абри Аҟәарҟан анааишьҭ, убри аҽны зқьы мзы иреиӷьуп, убри аҿны иҟауҵоу абзиара зегьы, ауаҩы ажәа хаа иаҳәара иадамхаргьы, еихаҳаны Ҳазшаз иуԥигалоит. Убысҟак ахә амоуп убри ауха, аха уи арбан уа ианӡам", — азгәеиҭеит Џьуӷьелиа арадио Sputnik Аԥсны аефир аҟны.