"Хра злоу ахҭысқәа": Ԥачулиа ақырҭцәа Аԥсны рнырхара атәы
© Sputnik
"Ақырҭцәа еснагь ирҭахын рыжәлар Аԥсны индырхарц. Аха Лакоба даныҟаз уи аҟаҵара риҭомызт, данықәырга ашьҭахь ҭаацәа-ҭаацәала Аԥсныҟа нхара еихеит. Ишааиуаз уи ҳәынҭқарратә усны иҟарҵеит. 1938 шықәса рашәара 25 рзы иҭыҵит ашәҟәы "Абхазпереселенстрои" ҳәа хьӡыс иаман. Усҟан акомиссариатқәа ыҟан, адгьыл ақәаарыхра иадҳәалаз иадырҵеит. Иазгәаҭан Аԥсны адгьылқәа рацәаны иҟоуп, убарҭ харҭәаатәуп ҳәа. Ақырҭцәа Аԥсны рнырхара аанкылазааит ҳәа 1941 шықәсазы аибашьра ду ианалага Москвантә ашәҟәы дәықәырҵеит. Аха Бериа инапаҵаҟа иҟан Аԥсны, ақырҭцәа рнырхара аанырымкылт, ишаааргац иааргон", — иҳәеит Ԥачулиа.