АҞӘА, ԥхынгәы 3— Sputnik. Киев иаанкылоу ажурналист Кирилл Вышинск иԥсахра алацәажәара иазыхиоуп, уи азы Урыстәыла аганахь ала азыҳәа ҟаҵахар, лҳәеит Украинатәи Арада аиҳабы актәи ихаҭыԥуаҩ Ирина Герашьченко, ҳәа аанацҳауеит РИА Новости.
"Москва абир аҩыза азыҳәа ҟанаҵар, ҳаар уи ахәаԥшра ҳазыхиоуп" — лҳәеит Украинатәи Арада аиҳабы актәи ихаҭыԥуаҩ Ирина Герашьченко, ателеканал ICTV аҟны имҩаԥырго аполитикатә шоу "Свобода слова" аҿы.
Уаанӡа украинатәи амчрақәа 23-ҩык Урыстәыла атәылауаа рсиа рыларҳәахьан украинааи дареи реиҭныԥсахларазы, аха асиаҿы Вышински ижәла арбамызт.
Владимир Путин иакәзар, иҳәеит Украина ахада Петр Порошенкои иареи шалацәажәахьоу иаанкылоу ауаа реиҭныԥсахлара азҵаара, Вышинскигьы абрахь дналаҵаны.
Абри аус амҩаԥгара лнапы ианҵан Урыстәылаа уаҩы изинқәа рыхьчараз азинмчра змоу Татиана Москалькова.