АҞӘА, лаҵара 30— Sputnik. Киев дыршьит Урыстәыла атәылауаҩ, ажурналист Аркади Бабченко, ҳәа аанацҳауеит РИА Новости Украина Аҩныҵҟатәи аусқәа рминистрра адыррақәа шьаҭас иҟаҵаны.
"102-тәи ацәаҳәахьы адырра ҟарҵеит аҳақьымцәа: дара аҭел ирзасыз аԥҳәыс илҳәеит лхаҵа ауадаҟны ашьа даганы дшылбаз. Ахаҵа имаз ахәрақәа ирыхҟьаны иԥсҭазаара далҵит", — ҳәа арбоуп адырраҭараҿы.
Ауаҩшьра ҟалеит Днепровски араион, Никольско-Слободскаиа амҩаҿы. Уахь инеиит ашьаусҭҵаара-оперативтә гәыԥ.
Украинатәи ателеканал ATR адиректор хада ихаҭыԥуаҩ Аидер Муджабаев ишьақәирӷәӷәеит ажурналист ишиехсыз.
