АҞӘА, ԥхынгәы 12 — Sputnik, Бадри Есиава. Аԥшьаша, ԥхынгәы 12 рзы имҩаԥысит изаамҭанытәиу Аԥсны Жәлар Реизара адепутатцәа реилатәара. Аилатәараҟны адепутатцәа "Ауаажәларратә еидгылақәа рзы" азакәан апроект рыдыркылеит.
"Ишдыру еиԥш 2009 шықәса жәабран 24 рзы ирыдыркылеит "Аполитикатә партиақәа рзы" азакәан. Уи азакәан амчра анаиу инаркны амчра ацәыӡит "Ауаажәларратә еидгылақәеи, аполитикатә партиақәеи аҵысрақәеи рзы" азакәан", — иҳәеит апроект адепутатцәа ирыдызгалаз Валери Агрба.
Убри инадҳәаланы аус адулан "Ауаажәларратә еидгылақәа рзы" азакәан апроект ҿыц. Иара актәи аԥхьарала ирыдыркылеит 2012 шықәсазы.
Азакәан апроект иахықәкуп ауаажәларратә еизыҟазаашьақәа.
Агрба иажәақәа рыла, азакәан апроект иаԥнаҵоит ауаажәларратә еидгылақәа рекономикатәи, рсоциалтәи, ркультуратәи интересқәа рынагӡареи рыхьчареи.
Аԥшьаша, ԥхынгәы 12 рзы имҩаԥысит изаамҭанытәиу Аԥсны Жәлар Реизара адепутатцәа реилатәара.