Инаԥшьба аԥхынтәи аҵарадырратә лагерь иазкны: ҳхықәкы наҳагӡеит

16:18, 27 Ԥхынгәы 2018

Кындыӷ ихыркәшахеит аԥхынтәи аҵарадырратә лагерь аусура, иара иалахәын Аԥсны араионқәа зегьы рҟынтә аҿар. Аҿартә политиказы аҳәынҭқарратә еилакы аусзуҩы Инал Инаԥшьба арадио Sputnik Аԥсны аефир аҟны еиҭеиҳәеит уи алҵшәақәа ртәы.

Sputnik

"Ҳазлацәажәаша ҳамоуп": Инаԥшьба аԥхынтәи аҵарадырратә лагерь иазкны

"Аԥсны ахьынӡанаӡааӡо аҟынтә аҿар реизгара хықәкыс иҳаман, инаҳагӡеит ҳәагьы азаҳҳәар сылшоит. Избанзар ари имҩаԥаагаз аԥхынтәи аҵарадырратә лагерь еиднакылеит 200-ҩык инарзынаԥшуа аҿар. Апрограмма заа ишьақәыргылан иҳаман. Ирацәан арҵаратә тренингқәа, ахәыҷқәа урҭ азҿлымҳара ду арҭеит", — ҳәа азгәеиҭеит Инаԥшьба.