АҞӘА, нанҳәа 16 – Sputnik. Аԥсны Аԥыза-министр Геннади Гагәылиа идҵала Кәырбан ныҳәа амш, нанҳәа 21 ԥсшьарамшны ирылаҳәоуп.
Кәырбан-ныҳәа адунеи атәылақәа жәпакы рҿеиԥш Аԥсынгьы иазгәарҭоит.
Иара азгәарҭоит Ураза баирам ашьҭахь 70 мшы ааҵҵуаны. Аныҳәа мҩаԥысуеит хԥа-ԥшьба мшы.
Изылшоны иҟоу аԥсылманцәа аӡатә ҟаҵаны акәац шаны ауаа ирырҭоит. Абри амш аҽны анарцә иҟоу ргәаладыршәоит, рыхьӡала Аллаҳ иҳәоит.
Аныҳәа мшқәа рзы еибаҭаху ауаа еиҭанеиааиуеит.