АҞӘА, нанҳәа 23 — Sputnik. 2014 шықәса рзы зыпрофессионалтә карьера хзыркәшаз, еизгоу Франциа акоманда алахәыла Тиерри Анри "Бордо" азыҟаҵаҩ хадас дҟалеит. Уаанӡа иара Бельгиатәи акоманда аҩбатәи азыҟаҵаҩыс дыҟан. Абри атәы аанацҳауеит апортал "Чемпионат".
Нанҳәа 17 рзы ашьапылампылтә клуб анапхгара уругваитәи азыҟаҵаҩ Густаво Поиет имаҵзура дамырхит.
Ашьапылампыл асыҩцәа ракәзар, уи иаҿагылеит, рыхәҭак аҽазыҟаҵарақәа рахь имнеиӡеит.
Тиерри Анри дыхәмаруан франциатәи "Монако", туринтәи "Ювентус", лондонтәи "Арсенал", испаниатәи "Барселона" ркомандақәа рҿы. Адунеии Европеи дырчемпионуп, Франциа, Англиа, Испаниа дырчемпионуп, Афедерациа Ахраҿа ианашьоуп.
123 хәмарра дрылахәхахьан, 51 мпыл ҭаиршәхьеит.