АҞӘА, нанҳәа 24 — Sputnik. Египет амҩатә машәыр иахҟьаны аԥсыҭбарақәа рацәаны иҟалеит, апассаџьыртә автобус ааҳәит ҳәа аанацҳауеит РИА Новости Youm7 адыррақәа ҵаҵӷәыс иҟаҵаны.
Амҩатә машәыр аҭыԥ аман апровинциа Бени-Суеиф аҿы. Заанаҵтәи адыррақәа рыла амашьына аԥсҟы зкыз импыҵҟьеит, автобус ааҳәит. Иҭахази ахәрақәа заузи рхыԥхьаӡара 30-ҩык рҟынӡа инаӡоит.
Иҟалаз шыҟалаз уажәы аҭҵаара иаҿуп.
Аамҭақәак раԥхьа амҩатә машәыр аҭыԥ аман Мерса-Матрух-Александриа. Усҟан иҭахеит 25-ҩык ауааԥсыра.