АҞӘА, нанҳәа 30— Sputnik. Аушьҭырҭатә пункт "Адлер" аусзуҩцәа автомашьына Volkswagen Sharan ангәарҭоз ирбеит атравматикатә тапанча ҳәа аанацҳауеит "Кубанские новости".
Атапанча адагьы ирбеит аа-хеиқәыршәеи (акалибр 18х45). Атапанчеи ахеиқәыршәеи аекспертизахь ишьҭуп.
Автомашьына зхатәу иҳәеит абџьар аҩны ааныжьра шихашҭыз.
Аусҭҵаара алкаақәа инарықәыршәаны имҩаԥгахоит апроцессуалтә ӡбара.
Аԥсны Аҳазалхратә закәанеидкыла инақәыршәаны ареспубликахь алагалара ҟалом абџьар, аџьаԥҳаны, анаркотикқәа, аԥсихотроптә маҭәашьарқәа.