АҞӘА, цәыббра 10– Sputnik, Сариа Кәарацхьелиԥҳа. Гәдоуҭатәи араионтә ӡбарҭа 15 мшы ҳәа дааннакылеит ВАЗ-21099 аԥсҟы зкыз, амҩатә машәыр зымпыҵҟьаз аныцә идкылан дахьыҟаз инадҳәалан. Абри ахҳәаа аиҭеит Апрокурор хада ицхырааҩ Даур Амҷба.
"Макьаназ адокументқәа реиқәыршәара мҩаԥысуеит. ВАЗ-21099 аԥсҟы зкыз Ҳаџьараҭ Ҭарсман анаркотикатә маҭәашьар, аныцә, идкылан дахьыҟаз азы 15 мшы даанкылоуп", — иҳәеит иара.
Геннади Гагәылиа амҩатә машәыр аан дҭахеит цәыббра 8 рзы. Аԥсы анышә дамардоит цәыббра 12 асааҭ 14:00 рзы. Аамҭақәак рышьҭахь Гагәылиа иоуз аахақәа ирыхҟьаны иԥсҭазаара далҵит.
Ашьаус хацыркуп.