Геннади Гагәылиа аҵыхәтәантәи имҩа

Геннади Гагәылиа иԥсҭазаара далҵит 71 шықәса дшырҭагылаз, амҩаду "Ԥсоу-Аҟәа" дшаныз Мысратәи абжьаларҭа азааигәара иҟалаз амашәыр иахҟьаны, цәыббрамза 8 рзы.

Алахьеиқәратә митинг мҩаԥысит Гәдоуҭатәи акультуратә хан ахыбраҿы.

Аԥыза-министр аҵыхәтәантәи имҩахь днаскьаргарц шәҩыла ажәлар еизеит, атәыла анапхгареи араионқәа рхадацәеи уахь иналаҵаны, Аԥсныҟа иааит иара убас Урыстәыла, Аахыҵ Уаԥстәыла, Приднестровие, Донецк рҟынтә аделегациақәа.

1 / 15

Аҵыхәтәантәи амҩахь анаскьагара ацеремониа мҩаԥысит Гәдоуҭатәи акультуратә хан ахыбраҿы.

2 / 15

Геннади Гагәылиа иҭаацәа.

3 / 15

Геннади Гагәылиа дҭахеит амҩатә машәыр иахҟьаны, цәыббрамза 8 рзы.

4 / 15

Аԥсны аиҳабыра.

5 / 15

Атәыла араионқәа зегьы рҟынтә ажәлар еизеит Геннади Гагәылиа дымҩаԥыргарц.

6 / 15

Акультуратә хан аекран ду аҟны Геннади Гагәылиа иԥсҭазаараҟнытә архивтә кадрқәа ддырбон.

7 / 15

Геннади Гагәылиа даара ижәлар ргәы далсит.

8 / 15

Аԥыза-министр аҵыхәтәантәи имҩахь днаскьаргарц ауаа рацәа еизеит, арахь иааит уи иҩызцәа, иколлегацәа, атәыла анапхгареи араионқәа рхадацәеи, аҳәаанырцәтәи атәылақәа рҟынтә аделегациақәа.

9 / 15

Акультуратә хан аҟны имҩаԥысит алахьеиқәратә митинг.

10 / 15

Аҳҭыртә ҟарул Аԥсны аԥыза-министр дымҩаԥыргоит.

11 / 15

Геннади Гагәылиа - зыхьӡ нагоу ауаажәларратә, аполитикатә усзуҩы, Аԥсны Ахәаахәҭра-ааглыхратә палата аԥиҵеит.

12 / 15

Геннади Гагәылиа анышә дамардеит иқыҭа гәакьа Лыхны.

13 / 15

Гәдоуҭатәи акультуратә хан аҟны алахьеиқәратә митинг хыркәшахеит 15 сааҭ рзы.

14 / 15

Геннади Гагәылиа ишихәҭоу еиԥш ҳаҭырқәҵара дула дымҩаԥыргеит.

15 / 15

Геннади Гагәылиа анышә дамадоуп иани, иаби, иашьцәеи рывараҿы.