ГӘДОУҬА, цәыббра 12 – Sputnik, Бадри Есиава. Геннади Гагәылиа инаскьагара ацеремониа иалагеит Гәдоуҭа Акультура ахан аҿы ахаша, цәыббра 12 рзы ҳәа ааицҳауеит Sputnik акорреспондент.
Геннади Гагәылиа аҵыхәтәантәи имҩахь инаскьагаразы арахь иааит атәыла анапхгара, ауаажәларратәи аҳәынҭқарратәи еиҿкаарақәа рлахәылацәа, иуацәа, аус ицызуаз.
Ацеремониа хацыркхеит асааҭ 11 рзы. Алахьеиқәратә митинг мҩаԥгахоит асааҭ 14:00 рзы. Абри ашьҭахь Аԥсны Аԥыза-министр анышә дамардоит иқыҭа гәакьа Лыхны.
Геннади Гагәылиа амҩатә машәыр аан дҭахеит цәыббра 8 рзы. Аԥсы анышә дамардоит цәыббра 12 рзы. Атәыла анапхгара алахьеиқәра рыларҳәеит. Ахашаҽны атәыла абираҟқәа ларышьҭит, акультуратә усҳәарҭақәеи ателерадиоеилахәырақәеи агәырӷьаратә уснагӡатәқәа аҟәырхит.