Ԥиԥиа: Қыргызсҭан абизнс форум аҟны азҿлымҳара ду аадырԥшуеит Аԥсны ахь
© Sputnik
"Аԥсны раԥхьаӡа акәны ҳалахәуп Қыргызсҭан имҩаԥысуа аиԥылара аԥыза-министр иааԥхьарала. Араҟа иҟоу Урыстәыла ахәаахәҭратә хеилак аиԥылара дуқәа мҩаԥнагеит. Хымԥада, ааԥхьара рысҭоит Аԥсныҟагьы. Қыргызҭан имҩаԥысуа аиԥылара иалахәуп Иапониа, Китаи, Абжьаратәи Азиа атәылақәа. Ажурналистцәа акыр азҿлымҳара аадырԥшуеит Аԥсны ашҟа. Сгәаанагарала, Мрагыларатәи Азиа аганахьала акыр алшарақәа ҳамоуп. Еиҳарак ишьҭаҳхуа азҵаарақәа аекономика аганахьала ауп, аимадаракәа рырҿиара хықәкыс иҳамоуп, иара убас Аԥсны ахада ихьӡала ааԥхьара саԥхьеит, уи араҟа ибзианы ирыдыркылеит. Ҳара уадаҩрас иҳамоу Аԥсны уамак ирыздыруам. Жәа-минуҭк сықәгылан, 30 минуҭ азҵаарақәа сырҭон, Аԥсны даара иазҿлымҳауп", — иҳәеит Ԥиԥиа.