АҞӘА, цәыббра 17 – Sputnik. Аԥсны иҟоу урыстәылатәи атанкистцәа ҳаамҭазтәи атанкқәа Т-72Б3 рыла Адыгатәыла иҟоу аполигон "Майкопский" аҿы уахынлатәи аибашьратә ҽазыҟаҵарақәа мҩаԥыргеит ҳәа аанацҳауеит РИА Новости, Аладатәи арратә округ апресс-маҵзура аиҳабы Вадим Астафиев иажәақәа ҵаҵӷәыс иганы.
"Аҵаратә ҽазыҟаҵарақәа раан аррамаҵзурауаа атанктә дуель аметод рхы иархәаны аибашьра амҩаԥгашьазы рылшарақәа еиӷьыртәуан. Атанктә дуель ҳәа изышьҭоу аметод аан атанкқәа руак аҽыҵәахны иҟоуп, аҩбатәи — 5 000 метра инахараны, аҭыԥқәа еиҭакуа ихысуеит", — ҳәа еиҭеиҳәеит иара.
"Адуель" алахәылацәа "аӷа" итанк ҭарыԥшыхәроуп, икылкааны аихсрагьы алдыршароуп. Аекипаж иҟарҵо зегьы азы анапхгаҩы адырра ирҭоит, уи ахәшьара аиҭарц азы.
Уи адагьы аекипаж аҭагылазаашьа аибашьратә ҭагылазаашьаҵәҟьа акыр иазааигәатәны атехника ахархәара арҭоит, иалыркаауеит еиҳа иманшәалоу ахысырҭатә ҭыԥқәа, Т-72Б3 ала еиҭаҵуеи еиҭамҵуеи ацәҟьарақәа иреихсуеит.