АҞӘА, цәыббра 25 – Sputnik, Бадри Есиава. Аиааира амшныҳәа аҽазыҟаҵара аламҭалаз имҩаԥысуа ауснагӡатәқәа ируакуп Абазақәа рымҩа акапиталтә ремонт азура ҳәа Sputnik иазеиҭеиҳәеит АУН "Абхазавтодор" адиректор Борис Ачба.
"Атәыла ахада инапынҵала, Аиааира амшныҳәа аҽазыҟаҵара аҳәаақәа ирҭагӡаны Аҟәа, Абазақәа рымҩаҿ акаҭран ақәҵара иалагеит. Анардадаҩцәа – АУН "Абхазавтодор", ДРСУ 3, аспонсор –Аҳәынҭеилахәыра "Абхазтоп", — иҳәеит Ачба.
Амҩахәҭа аура 330 метра иҟоуп. Уажәазы актәи аҿыгҳара шьҭаҵоуп. Аусурақәа бжьаратәла ҩ-миллионк мааҭ инарыцны ирыхҭынҵахоит.