"Аибашьра ианалага изулакгьы Аҟәантәи Гәдоуҭаҟа сцеит. Уа сахьнеиз Хас Зибукаев иажәеинраала кыдын "Шәымшәан, шәгәы кашәмыжьын" ҳәа. Убри ашәа алысхит, изҳәогьы еизызго салагеит, 26-ҩык рҟынӡа ашәаҳәаҩцәа ҟалеит. Азныказы арратә агитациатә бригада ҳәа иҳашьҭан, анаҩс Гагра ахы ианақәиҭтәха, Лиалиа Тәанԥҳа ажәеинраала сзыналышьҭит "Мамзышьха", аха сара ашәа "Аиааира" ҳәа ахьӡыстәит. Избанзар уи ауаа иаҳа рхаҿы-ргәаҿы инеиуеит. Раԥхьа асоло Тото Аџьапуа инаигӡон. Ус ҳашнеиуаз ҳгәыԥ аконцерттә бриагада ҳәа изышьҭаз ацкьыс еиӷьу ҳәа ахьӡ" Аиааира" аҳҭеит", — иҳәеит Ченгелиа.