"Аиааира амш лаӷырӡыла ауп ҳшаԥыло. Апарад ақәсра ҳалагаанӡа, ҳахьеидгылаз, зыӡбахә ҳгәалашәоз аиааира иахьымӡаз аҷкәынцәа роуп. Ԥшь-нызқьҩык инарзынаԥшуа иҭахаз ҳҵеицәа, ҳҭыԥхацәа ҳавагылазҭгьы, акырӡа ҳаԥшӡахон. Дара цәала-жьыла иахьа иҳагуп, аха рыԥсы ҭоушәа ҳгәалашәараҟны инхоит. Аветеранцәа рыҩныҵҟа, иахьа зхы иамыхәо ҳахьрыхәаԥшуа ҳгәы ҳнархьуеит, Аиааиреи Ахьыпшымреи апарад ахьырымбаз ҳалахь еиқәнаҵон зегьы", — ҳәа азгәаиҭеит Какоба арадио Sputnik Аԥсны ишиашо ицоз аефир аҿы.