"Иҟоуп имариоу асиужет аҵакы змоу афильмқәа, иаразнак еилукаауа, адраматургиа зыхҟьо. Иҟоуп автор дахыгьежьаауа, дакәшауа, ахәаԥшҩы иҟынӡа инаигар аниҭаху. Уи абри аклассикатә музыка иаҩызоуп, иҟоуп изгәаԥхо, иҟоуп изгәамԥхогьы. Иара ажәабжь "Ақәыџьма" — Даур Наҷҟьебиа иҩымҭа — уамакала исгәаԥхоит. Уи афильм алхра ус имариаӡам, аха Ада Қәираиа ишыҟалҵаз бзиоуп", — ҳәа азгәаиҭеит Ҳагба.