Ҵәыџьԥҳа Шаповалов игәаларшәара иазкны
© Sputnik
"Аԥҟарҭатә уада уаныҩнала нахыс бжьык гар ҟаломызт. Аибашьра зегьы Ҭҟәарчалтәи агоспиталь дахагылан Максим Шаповалов. Ахәра ӷәӷәа зманы иааргоз зегьы аԥҟарақәа ҟазҵоз иара иакәын. Ашьыжь иҩналаз аԥҟарҭа адырҩаҽны ашамҭаз данаадәылҵуаз ыҟан. Ҽнак ахәра бааԥсы змаз аибашьҩы акоридор аҿы дԥиҟеит, уи алагьы иԥсы еиқәирхеит. Ус еиԥш ахҭысқәа рацәан", — еиҭалҳәеит Ҵәыџьԥҳа.