Хра злоу ахҭысқәа: Ҭарба "Кавказ" Кремль рықәгылара иазкны
© Sputnik
"Ари акәашара еснагь ахәаԥшцәа ианрыдаҳгалоз, игылан акәын ишрыдыркылоз. Кремльгьы убас иҟалеит. Асцена аҟнытә ахәаԥшцәа уанрыхәаԥшуаз ухлахаҵ гьежьуан, убысҟак идуун азал. Асоло назыгӡоз акәашаҩцәагьы уи азгәарҭеит, ауаа улаԥш рхьымзо, ирацәаҩӡан. Абираҟқәа анырба анапеинҟьара иалагеит, урҭ акыраамҭа еихсыӷьӡомызт. Аконцерт амҩаԥгаҩгьы лажәа иалаҵаны илҳәеит: "иҭабуп Аԥснынтә ҳныҳәа зырԥшӡаз" ҳәа", — азгәеиҭеит Ҭарба.