"Аибашьра ашьҭахьҵәҟьа ҳалагеит Рашь Хәытаба ихьӡ ӡху Жәларбжьаратәи атурнир. Ари аҭоурых змоу турнируп. Сара сыԥсы ахьынӡаҭоу исхамышҭуа схаҿы иаанхеит раԥхьатәи атурнир. Иара далахәын раԥхьатәи Аԥсны аҳәынтқарра ахада Владислав Арӡынба. Убасҟан асасцәа рацәаны иаҳӡааит. Иахьагьы имаҷымкәа аспортсменцәа Краснодартәи атәылаҿацә, Уаԥстәыла, Адыгатәыла, Аԥсны еиуеиԥшым араионқәа рҟынтә уҳәа шәҩык рҟынӡа ақәԥаҩцәа алахәуп", — ҳәа азгәеиҭеит Бениа.