АҞӘА, жьҭаара 18– Sputnik. 2 500 ҭоԥ асигарет, афургон аҿы иҵәахны аурыс-аԥсуа ҳәаа ахыгара аҽазышәараан иаанкылан ҳәа аанацҳауеит Краснодартәи атәылаҿацә аҟны Урыстәыла Афедералтә Шәарҭадаратә маҵзура аҳәаахьчаҩцәа.
"Иазгәаҭатәуп асеиԥш изныкымкәа аҭыԥ шаиухьоу. Аҵыхәтәаны иҟаз ахҭыс аан ареистә автобус аҿы иԥшаан иҵәахны ииаргарц иҟаз, миллион мааҭ рҟынӡа зыхәԥса наӡоз 3 000 ҭоԥ асигарет", — ҳәа аҳәоит адырраҭараҿы.
Аусҭҵааҩцәа аусура хацдыркит.