"Афиналтә хәмарра еизнагеит хыԥхьаӡара рацәала ахәаԥшцәа, ирацәаҩуп Гагрантәи иааз асасцәагьы. Ашьапылампылтә експертцәа излазгәарҭоз ала, иахьатәи ахәмарраҿы Аҟәатәи "Нарҭ" иаҳа аԥыжәара аман, аха ахәмарра ианалага инаркны Гагра ашьапылампыл асыҩцәа Нарҭаа ус баша имарианы Ахраҿы шрырымҭо атәы еилкаахеит. Актәи азбажа "Гагра" 2:0 ҳәа ихдыркәшеит, аҩбатәи азбжазы "Нарҭ" иалшеит акәаталақәа реиҟаратәра. Иацҵаз аамҭазы акомандақәа рҟнытә аиааира згаз аилкаара залмыршахеит.Жәеиза метр рҟынтәи ампыл аҭаршәраҿы Гаграа иаҳа ирықәҿеит", — иҳәеит Аҩӡба.