"Сынтәа макьана еилкааӡам шаҟа гәыԥ ҟало, урҭ рхыԥхьаӡара есышықәса акы-ҩба иацлоит, ҵыԥх акәзар рхыԥхьаӡара 24 ыҟан. Абҵара жәба рҟынӡа арзаҳал аларҵар рылшоит аинтеллектуалтә хәмаррақәа зхы рызалырхәыр зҭаху. Иара убас абри аҭел ала иҳадҵаалар рылшоит: 998-01-15. Агәыԥ иалоу хҩык иреиҵамзароуп, иара убас фҩык иреиҳамзароуп. Уи зыӡбахә сымоу "Бреин-ринг", иара убас "Иарбан? Ианба? Иаба?" ҳәа иҟоу ахәмаррақәа роуп. "Доусы ихәмарра" акәзар, аӡәаӡәала рхы аладырхәуеит", — лҳәеит Кәыџԥҳа.
Абҵара 10-11 рзы аинтеллектуалтә-арҿиаратә клуб "Диуна" Амилаҭтә библиотека ахыбраҟны имҩаԥнагоит Аԥсны аинтеллектуалтә хәмаррақәа рзы аабатәи ачемпионат.