"Сыԥсҭазаара мҩа ҿыц санылозҭгьы, иахьа сызнысыз амҩа санылон, даҽа занааҭк сара сзы иҟаӡам. Арҵаҩрақәагьы зегьы еиԥшым, сара алагарҭатә классқәа рырҵаҩцәа срырҵаҩуп. Ахәыҷы аханатә изымҵаз иаԥхьаҟа еснагь ихьшәахоит, дагхоит. Абри азанааҭ иалсхыз даара исҭахын, иахьагьы уи ада ҽакы снапы аласкуамызт", — иҳәеит Касланӡиа.
Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.