"Иҟоуп еиуеиԥшым агәыҳалалратә еиҿкаарақәа зусушьа даара иахӷәаԥхаз, дара русушьа ҳаҿыԥшны ҳаргьы иҳаԥсахыр ҳҭахуп, иаҳа иҿыцны ибзианы ҳусура ҳазнеирц азы. Иаҳҭахуп дарбанзаалакгьы дахьыҟазаалакгьы афонд ацхыраара аҭаразы алшара имазарц. Асаит ахархәалара иҟоуп убас аҭагылазаашьа адунеи иарбан кәакьзаалакгьы уахьыҟоу аԥара ахыуԥхьаӡалартә алшара умазарц. Иҟоуп агәыҳалалратә фондқәа, дара рыӡбахә ателехәаԥшраҿы зынӡак ирҳәаӡом асоциалтә даҟьаҿы мацарала ирҭаху аус азы аԥара еизыргоит. Иҭаҳҵааит рдаҟьақәа аус шыруа, аинформациа азнагашьа шеиҿыркаауа. Игәасҭеит ҳаргьы ҳазнагашьа шыԥсахтәу", — ҳәа еиҭалҳәеит Џьынџьалԥҳа.