"КВН иунаҭо маҷӡам, аҟазара злоу ауаҩы даанарԥшуеит, аҩызцәа урҳауеит, атәым ҳәынҭқаррақәа унарбоит. Аҟазара злоу зегьы ирабжьызгоит КВН ихәмарларц, ус баша бзиа избо инены иахәаԥшларц, КВН ауаҩы игәалаҟазаара шьҭнахуеит, уи ихәмаруа изгьы игәышьҭыхгоуп. КВН иснаҭаз маҷӡам, ахаангьы уи сыҽзазыски сымҳәацт, иара иахьагьы гәык-ԥсыкала асцена саақәгыландаз ҳәа агәаҳәара сымоуп", — ҳәа азгәеиҭеит Цкуа.
Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.