АҞӘА, абҵара 23 — Sputnik. Керчтәи ацҳахь уназго 18-километра инаӡо аихамҩа аҭыԥ рыԥсахуеит, аихамҩаҟаҵараан иаадырԥшыз антикатә еиланхарҭа аиқәырхаразы. Анхарҭа Боспортәи аҳра аамҭа иаҵанакуеит ҳәа аанацҳауеит аинфоцентр "Крымский мост".
"Аихамҩа, уаанӡа ишазгәаҭаз аиԥш, 2019 шықәса рзы ахархәарахь ирыҭахоит", — иҳәоит аилахәыра "Стройгазмонтаж" адиректор хада ихаҭыԥуаҩ Леонид Рыженькин.
Ҳера ҟалаанӡа V ашәышықәса анҵәамҭеи III ашәышықәса алагамҭеи ирыҵаркуа ҩынҩажәа нхарҭа рбеит Керчь. Аҵарауаа ргәаанагарала, анхарҭақәа Боспор аҳцәа рдинастиа ахаҭарнак иҭаацәа иртәызар ҟалоит.
Аҭҵаарақәа мҩаԥысуеит хә-нызқь метра ԥшьыркца иахьрыҵаркуа аҵакырадгьыл аҟны.
Археологиатә ҭҵаарақәа макьаназ ишхыркәшамгьы, аҵарауаа уажәнатә иазгәарҭоит анкьатәи аргыларақәа қәнагала ишынагӡаз. Ауаа рынхарҭақәа аӡы рыламларц азы, аӡеизакырҭақәеи аӡцарҭақәеи дырра ҳаракыла иҟаҵан".