"Аиашазы аиааира сазыԥшын. Арҭ ахәыҷқәа 2012 шықәсазы разыҟаҵара салагеит. Шьҭа фышықәсеи бжаки ҵуеит ҳҽазыҟаҳҵоижьҭеи. Урыстәыла атурниарқәа рышҟагьы ааԥхьара анҳарҭо ҳцалоит шықәсык ахь ҩынтә. Сынтәа ибзианы ҳхы ааҳарԥшит Ставрополь ааԥын имҩаԥысуаз аицлабрақәа рҟны аҩбатәи аҭыԥ ҳгеит, Шәача ааигәа имҩаԥгаз ахраҿазы аицлабрақәа рҟны актәи аҭыԥ аанаҳкылеит. Даара аҷкәынцәа срықәгәыӷуеит, азыҟаҵаҩ иаҳасабала рҿаԥхьа иқәсыргыло адҵақәа нарыгӡоит", — иҳәеит Багаҭелиа арадио Sputnik Аԥсны аефираҿы.
Гәдоуҭатәи ашьапылампыласыҩцәа қәыԥшцәа разыҟаҵаҩ убасгьы иахьа адунеи аҟны иазгәарҭо ашьапылампыл амш рыдиныҳәалеит ахәмарыҩцәа, азыҟаҵаҩцәа, ашьапылампыл абзиабаҩцәа.