АҞӘА, ԥхынҷкәын 25 - Sputnik, Бадри Есиава. Аҵыхәтәантәи аамҭазы Аԥсны ицәырҵуа иалагеит хыԥхьаӡара рацәала аполитикатә коалициақәа иҳәеит Аԥсны Аҳәынҭқарра ахада Рауль Ҳаџьымба есышықәсатәи ипресс-конференциаҿ. Иара мҩаԥысит аҩаша, ԥхынҷкәын 25 рзы. Абри атәы аҭыԥ аҟынтәи иааицҳауеит ҳкорреспондент.
"Уи ҳацәшәо иҟам. Зегь иаадыруа роуп. Урҭ уаанӡагьы аполитикатә процессқәа ирылахәын. Аӡәгьы мап ацәикуам угәаанагара уҳәарци упрограмма цәыргарци, аха дара акалашәа ирацәаӡахеит", - иҳәеит иара.
Аԥсны Аҳәынҭқарра ахада есышықәсатәи ипресс-конференциахь иааиит аҭыԥантәии аҳәаанырцәтәии АИХқәа рхаҭарнакцәа.