"Ҳаԥхьа ишьҭоуп акырӡа зҵазкуа аполитикатә хҭыс – алхрақәа. Ҳара ажурналистцәа ҳҿаԥхьа икәгылоуп ихадароу азҵаара — обиективла, ииашаны ҳажәлар аҭагылазаашьа рзаԥҵара ииашоу аинформациа аиуразы, ииашоу алхрақәа рымҩаԥгаразы. Ҳара уи аганахьала 15 шықәса рыбжьара иҳамоуп аԥышәа, иҟан абзиагьы иара убас аихаҳара зҭахым аҿырԥштәқәа. Убарҭ зегьы ҳасаб рзуны аҽазыҟаҵара бзиа аҭахуп", — иҳәеит Ҳашыг.
Аԥсны ажурналистцәа реидгыла еиҿкаауижьҭеи сынтәа ԥхынҷкәын 17 рзы 50 шықәса ҵит. Аҵыхәтәантәи ҩышықәса рыҩныҵҟала аидгыла иалалеит 36-ҩык ажурналистцәа.