АҞӘА, ԥхынҷкәын 28- Sputnik. Ииасыз ашықәс зегь ҳзы ахатә ҷыдарақәа аманы имҩаԥысит, ҳәа иҳәеит Урыстәыла ахада Владимир Путин Атеатр ду аҿы Ашықәс ҿыц аныҳәа иазкыз адкылараан.
"Ус шакәугьы иҟан зегь ҳаидызкылоз ахҭысқәа атәыла аҩныҵҟаиԥш анҭыҵгьы", - иҳәеит иара. Асеиԥш иҟаз ахҭысқәа рахь иаҵеикит Ҟрымтәи ацҳа аартреи ашьапылампыл азы адунеи Ачемпионати.
Путин ҭабуп ҳәа раиҳәеит "Ахатәгәаԥхаҩы Ишықәс" алахәылацәа, аррамаҵзурауаа – рыпрофессионализм азы, амуниципалтә мчрақәа, арҵаҩцәа, аҳақьымцәа, анаплакыҩцәа, атәыла аизҳазыӷьараз иҟарҵо азы.
"Ҳара ҳазыхиоуп ҳаидгыланы ԥхьаҟа ацара, иарбанызаалак аусдҵақәа рынагӡара", - иҳәеит атәыла ахада.