"Аԥсуаа араҟа хыԥхьаӡарала ирацәаӡам. Ҳара аныҳәа абырзен жәлар шаԥыло еиԥш ҳаԥылоит. Ашықәс ҿыц аԥхьа Иаса Қьырса иирамш ныҳәа азгәаҳҭоит. Уи иаҳа иналкааны иаԥылоит. Аҽны ауахәамақәа рахь ицоит, Қьырса диит ҳәа ихысуеит, игәырӷьоит. Аԥсуаа ҳҿы аҵеи даниуа ишхысуа еиԥш. Ахәыҷқәа х-кәакьк змоу аиха ҳәыҷы кны, абжьы рго иааиуеит. Агәылара анеиразы рыҽныркылоит, аԥсуаа ҳҿы ишыҟоу еиԥш амшьҭа иахәаԥшуеит, ауаҩы ишьапы зеиԥшроу гәарҭоит, аҩны иааиз мацара иакәым, Ашықәс ҿыцаз џьара уцозаргьы, амҩаҿы иуԥылазгьы духауршҭӡом", — ҳәа азгәеиҭеит Ҳашба.