АҞӘА, ажьырныҳәа 15– Sputnik. Аҳауа лаҟәқәа ирыхҟьаны Амшын Еиқәа аҿы 3-5 балл рҟынӡа ацәқәырԥашьҭыҵра ҟалоит, ҳәа Sputnik иазаалыцҳаит Аԥсны Аҳәынҭқарра аекологиеи аԥсабарахьчареи рметеоролог Лариса Ахԥҳа.
"Сынтәатәи аӡын абжьааԥны еиԥшымкәа иԥхаррахеит. Уи ашьхараҿы асыԥсалеира армариоит. Уажәазы Бзыԥтәи ашьхеибаркыраҿ иубартә иҟоуп асқәа ахьыԥсасиз аҭыԥ хтырақәа", - ҳәа лҳәоит лара.
Уи адагьы Ахԥҳа лажәақәа рыла Адгьылбжьара мшын аҟынтәи амҩа иқәу ахьшәашәареи Аҩада Атлантикатә циклони ирхырҟьаны амшын аҟны ацәқәырԥеисра 4-5 балл иҟалар алшоит.
РИА Новости адыррақәа рыла ажьырныҳәа 16-17 рзы Шәача иахьаҵанакуагьы асыԥсалеира иахырҟьаны ацәқәырԥеисра ҟалар алшоит ҳәа адырра ҟаҵоуп.