АҞӘА, ажьырныҳәа 17 - Sputnik. Урыстәыла Аҵәахырҭатә банки адырратә оператор "Платформа ОФД" реицыҭҵаарақәа ирылҵшәаны ишьақәыргылахеит аныҳәамшқәа раан урыстәылаа 1,1 триллион мааҭ шнырхыз. Абри атәы аанацҳауеит Урыстәыла Аҵәахырҭатә банк апресс-маҵзура.
"Ԥхынҷкәын 29, 2018 шықәса инаркны ажьырныҳәа 7, 2019 шықәса рҟынӡа ҳуааԥсыра рныхрақәа идыртәеит 1,1 триллион мааҭ. Абжьаратә урыстәылауаҩ абарҭ амшқәа рзы инихит 16,1 нызқь мааҭ. Ҵыԥхтәи ашықәс иадкыланы уахәаԥшуазар 0,23% рыла еиҳаны", - ҳәа аҳәоит апресс-маҵзура адырраҭараҿы.
Акрыфарачарҭақәа рҟны еиҳа аԥара нырхуан ҳәа иԥхьаӡоуп Омск, Свердловск, Нижегородтәи оабластқәа, Москвеи Санкт-Петербурги аԥхьатәи ахәбақәа рсиагьы ианымлеит.
"Асасааирҭақәа" ркатегориаҿ аныхрақәа 13% ихалеит.
Аныҳәатә каникулқәа раан Аҵәахырҭатә банк акартақәа рхы иадырхәеит 169 тәыла рҟны.
Урыстәылаа ԥсшьара ҭыԥны еиҳа бзиа ибаны иалырхыз атәылақәа иреиуоуп: Испаниа, Италиа, Белоруссиа, Қырҭтәыла.