АҞӘА, ажьырныҳәа 24 — Sputnik. Аԥсны азеиԥштәылауаҩшәҟәы аиуразы 120 400 рзаҳал нашьҭуп, урҭ рҟынтәи 98 нызқь ауаа ирзыршахьеит иҳәеит Аминистрцәа реилазаара аилацәажәараҿы ареспублика Аҩныҵҟатәи аусқәа рминистрра атәылауаҩшәҟәтә Усбарҭа аиҳабы Едуард Манаргьиа.
Иара иажәақәа рыла, жә-нызқь рҟынӡа тәылауаҩшәҟә хианы ишьҭоуп, аҽа жәеиза тәылауаҩшәҟә аус рыдырулоит. Аусбарҭа адыррақәа рыла, иазыԥхьагәаҭоуп аҽа 25 нызқь рзаҳал рыдкылара.
Манаргьиа иазгәеиҭеит ауааԥсыра ирхианы иҟоу адокументқәа ргара ишахымыццакуа.
Аԥсны аԥыза-министр ихаҭыԥуаҩ Асҭамур Қьецба иҳәеит апроцесс аҭыԥантәи амилициауаа адыԥхьалазар бзиоуп ҳәа.
Иара убасгьы иҳәеит азыҳәа ҟазҵо ргәаҭаразы амиграциатә маҵзуреи ашәарҭадаратә маҵзуреи реицусура аус арццакуеит ҳәа.