Ауснагӡатә еиҿнакаауеит агәыҳалалратә еиҿкаара "Аԥсны агәыразра ацҳаражәҳәаҩцәа". Ауснагӡатә аҳәаақәа ирҭакны имҩаԥысраны иҟоуп Аԥсуаразы арҵагашәҟә ацифраркреи НТВ аканал апроект "Ты супер" аҿы аиааира згаз Валериа Адлеиаԥҳа лашәа "Сгәаҵа иҭоу" аклип аӡыргареи.
Москватәи алахәылацәа:
- Урыстәылатәи афедерациаҟны иҟоу Аԥсны аҳәынҭқарра азинмчи анапынҵа ҷыдақәеи змоу Ацҳаражәҳәаҩ Игор Ахба;
- Адунезегьтәи аԥсуа-абаза Конгресс ҳаҭыр зқәу ахада Тарас Шамба;
- Москватәи адыга диаспора абыргцәа Рхеилак ахантәаҩы Иури Агирбов;
- РАН аетнологиеи антропологиеи р-Институт аусзуҩ Иури Анчабадзе;
- Ауаажәларратә усзуҩ Беслан Кәабахьиа;
- Ашәаҳәаҩ Валериа Адлеиаԥҳа.
Аҟәатәи алахәылацәа:
- Аԥсны агәыразра ацҳаражәҳәаҩ, Европатәи акардиологцәа реилазаара алахәыла Илона Арӡынԥҳа;
- Аԥсуаҭҵааратә институт адиректор Арда Ашәба;
- Ашәҟәыҩҩы, аԥсны акультура зҽаԥсазтәыз аусзуҩ Терент Ҷаниа;
- Аԥсны жәлар рартистка Виолетта Маанԥҳа;
- Аԥсны жәлар рпоет Мушьни Лашәриа.
Аҟәа, жәабран 8 асааҭ 12:30 рзы Sputnik Аԥсны амультимедиатә пресс-центр аҿы имҩаԥысраны иҟоу авидеоцҳа Москва – Аҟәа "Аԥсуара XXI ашәышықәсазы" ахь инаҳаԥхьоит амассатә-информациатә маҵзурақәа рхаҭарнакцәа (аҭыӡҭыԥ: ақ. Аҟәа, Пушкин имҩ. 16 (абизнес-центр "Гәдоу Плаза", 5 аихагыла).
Аккредитациа ҟалоит абри аҭел ала: +79409992191.
Азыҳәаз аелектронтә ҭыӡҭыԥ: i.avilova@sputniknews.com