"Аибашьра анеилгаҵәҟьа Таиф Аџьба иԥшәмаԥҳәыс Римма Коӷониаԥҳа илзынхеит имшынҵа, иара Аҟәа далаханы даныҟаз ихәыцрақәа зну ицәаҳәақәа. Аибашьра ашьҭахьҵәҟьа уи имшынҵа "Бзиала иаҳзырша" ҭыҵит. Амшынҵа инақәыршәаны аинсценировка ҟалҵеит Занда Какалиаԥҳа, убри аспектакль алаҳхуеит. Ақәыргыламҭагьы амшынҵа ахьӡ амазаауеит", - лҳәеит Аргәынԥҳа.
Лара иазгәалҭеит аспектакль аҟны Таиф Аџьба ихаҭара аиԥш аибашьраан Аҟәа иалахаз егьырҭ аԥсуа интеллигенциа ахаҭарнакцәагьы аарԥшхоит ҳәа.