"Ҳалахәылацәа даара ибзианы рхы аадырԥшит. Аҩбатәи аконцерт аҿы иԥҟара хаданы иаҳзықәгылан аԥсуа шәа анагӡара, ахԥатәи аконцерт аҿы – урысшәала, мамзаргьы атәым бызшәала. Аконкурсантцәа зегьы ҩыџьа-ҩыџьала ашәа еицырҳәон, ироуаз абаллқәа уаанӡа ирымаз ахь иахыԥхьаӡалахоит, анаҩс аицлабра зегьы аихшьаалала еилкаахоит аиааира згазгьы. Уажәнатә хәҩык ахәыҷқәа алукаартә иҟоуп. Аицлабра аформат маҷк аҽаԥсахит, хәҩы-хәҩыла абаллқәа иаҳа имаҷны изауа иалҵуеит ҳәа ҳҳәахьан, аха ахәыҷқәа ҳрылашьцылеит, даргьы ираҳҭеит аҭагылазаашьа рхы аарԥшразы", - ҳәа азгәалҭеит Чагәааԥҳа.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.