"Иҳамоу атехника ҿыц еиқәшәоуп, иацраҳҳәо ақәаҭанақәа, аҳәҳәагақәа реибыҭара ҳаҿуп. Иҳамоуп иажәу атракторқәагьы, урҭгьы ҳрыгәҭасӡом, еибыҭаны ҳхы иаҳархәап ҳәа ауп.
Убасгьы иахьатәи ҳҭагылазаашьаҟны ахәаҷа-маҷа иаҿагыланы ақәԥаразы атехника еиқәҳаршәоит абакқәа рыла, аҟазацәа рҟынтәи адҵа шҳаулак, ахәшәтәрақәа рымҩаԥгаразы.
Излаздыруа, Очамчыра араион ацәаӷатә дгьылқәа ҳәа х-нызқь гектар рҟынӡа ыҟоуп, аха ахархәара атәы ҳҳәозар уи даҽа зҵаароуп. Уи зегьы ҳастанциа амч ақәхоит ҳәа ҳҳәом, ақыҭақәа рҟны иҟоуп ахатәы тракторқәа змоу, иҟоуп афирмақәа зхатә техника зхы иазырхәо, зегьы ҳаицхыраарала ажәлар рхы иахәароуп", - ииҳәеит Шьоуа.
Иара иазгәеиҭеит заа ауҭраҭых ҟазҵо адгьылқәаарыхыҩцәа рыдҵаалара ишалагахьоу.
Шәазыӡырҩла арадио Sputnik Аԥсны.