Арадио

Хәытаба: ҳазхазҵаз атәылақәеи ҳареи ҳаспорттә еимадарақәа рыҽдырҭбаалоит

Абаҩрҵәыреи аспорти рзы Аԥсны аҳәынҭқарратә еилакы ахантәаҩы Баграт Хәытаба арадио Sputnik Аԥсны аефир аҿы еиҭеиҳәеит Аԥсни Шьамтәылеи ирыбжьарҵаз аиқәшаҳаҭра иазԥхьагәанаҭо аусхкқәа ртәы.
Sputnik
Хәытаба: ҳазхазҵаз атәылақәеи ҳареи ҳаспорттә еимадарақәа рыҽдырҭбаалоит

"Иахьа Аԥсни Шьамтәылеи р-Олимпиатә комитетқәа ирыбжьарҵаз аиқәшаҳаҭра алҵшәа бзиа аиуеит. Раԥхьа инаргыланы, Шьамтәылеи Аԥсни имҩаԥысуа ачемпионатқәа рҿы ирылахәхоит аҩҳәынҭқаррак рыҟнытә аспортсменцәа. Иара уи адагьы, Шьамтәыла иҟоу аҽазыҟаҵаратә ҭыԥқәа рҿы ҳаспортсменцәа аҽазыҟаҵаразы алшара роулоит. Ари ҳара ҳзы акыр аҵанакуеит, избанзар Шьамтәыла еиуеиԥшым аспортт хкқәа рзы аспорттә ханқәа рҭагылазаашьа бзиоуп. Ҳара иҳабжьаҳҵаз аимадара аусура иалагахьеит. Ари ашықәс азы ачемпионатқәа мҩаԥаагаран иҟоуп, уа Шьамтәыла еиԥш, араҟагьы. Аспорттә еимадарақәа анаҩсгьы рыҽдырҭбаалоит, Шамтәылеи Урыстәылеи рыдагьы, егьырҭ ҳазхазҵаз аҳәынҭқаррақәеи ҳареи ус еиԥш аиқәшаҳаҭрақәа ҳабжьаҳҵарц ҳгәы иҭоуп", - ҳәа азгәеиҭеит Хәытаба.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.