Џьынџьалԥҳа ауниверситеттә олимпиадазы: аиааира згаз хәыда-ԥсада аҵара иҵалоит
© Sputnik
"Иахьа ишьақәгылаз аҭагылазаашьа ҳасаб азуны ауниверситет анапхгара иазырыӡбеит ҳхатә аолимпида амҩаԥгара. Уаанёза Аԥсны Аҵара аминистрреи ҳареи имҩаԥаагеит ашколхәыҷқәа ролимпиада, уаҟа еиҳарак ҳасаб зызу апедагогикатә дисциплинақәа роуп. Ауниверситет аҿы иҟоу афакультетқәа рҿы ихадоу амаҭәарқәа рыла аолимпиада мҩаԥгахоит. Иаҳҳәап, аекономикатә факультет аҿы аматематика даиааизар, иара ԥышәарада дахыԥхьаӡалахоит ауниверситет, анаҩс хәыда-ԥсада иҵара зегьы хиркәшар илшоит", - азгәалҭеит Џьынџьалԥҳа.
Аолимпида мҩаԥгахоит мшаԥы 12 инаркны 14 рҟынӡа.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.