Маршьан "Нальмес" Аԥсны агастрольқәа рзы: акәашара "Кәтол" ҳбараны ҳаҟоуп
© Sputnik
"Ԥшьынҩажәатәи ашықәсқәа рзы "Нальмес" Аԥсны ианыҟаз, иахьа уи сахьаркыратә напгхаҩыс иҟоу Аслан Хаджаев дхәыҷны ансамбль аҿы дкәашон. Усҟан "Нальмес" еиуеиԥшымыз аԥсуа қыҭақәа рҿы икәашон, ус еиԥш Кәтолгьы ааԥхьара ҟарҵеит. Убра агәырӷьаратә еишәа ахьыҟарҵаз хәыҷгьы-дугьы зегьы кәашон, Аслан ахәыҷы уи игәалашәараҿы иаанхеит. Нас сдухар абри ықәсыргылоит ҳәа гәҭакыс иман. Иара иажәа наигӡеит, иахьа уи "Нальмес" арепертуар иалоуп. Уажәы Аԥсны агастрольқәа раан еиҭеиҳәарц иҭахуп ари акәашара аҭоурых атәы", - азгәеиҭеит Маршьан.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.