АҞӘА, мшаԥы 9 – Sputnik, Асмаҭ Ҵәыџьԥҳа. Мамзышьха ашьхараҿы амца арцәаразы Аԥсны Аҭагылазаашьа ҷыдақәа рзы аминистрра урыстәылатәи рколлегацәа рахь аҳәара ҟанаҵеит. Абри атәы арадио Sputnik аҿы иҳәеит аминистр Лев Кәыҵниа.
"Ҳара аверталиотқәа рыла иҳарцәо азхом. Урыстәылатәи ҳколлегацәа рахь аҳәара ҟаҳҵеит авиациа ҳзаарышьҭырц, избанзар ҳара иҳамоу атехника азхоны иҟам", - ҳәа иҳәеит иара.
Мамзышьха амца акит амҽыша, мшаԥы 7 рзы. Иара убри амш аҽны аминистр Лев Кәыҵниа амца ахьакыз аҵакыра дахыԥрааны ибеит. Амцарцәаҩцәа амца арцәара иалагеит авертолет Ми-2 ахархәарала.