АҞӘА, мшаԥы 10 - Sputnik. Венесуела аиҳабыра Америкатәи аҳәынҭқаррақәа реиҿкаара иалҵуеит, избанзар аиҿкаара Ахеилак Венесуела ахада ҳәа аоппозициаа рхада Хуан Гуаидо дазхарҵеит азы. Абри атәы аанацҳауеит РИА Новости.
Венесуела адәныҟатәи аусқәа рминистрраҟны иазгәарҭеит Америкатәи аҳәынҭқаррақәа реиҿкаара Ахеилак аӡбра хшыҩдароуп, аиҿкаара аҳәынҭқарра-лахәыла ақәыӷәӷәара анаҭоит ҳәа.
Америкатәи аҳәынҭқаррақәа реиҿкаара Ахеилак амаӡаныҟәгаҩ хада Альмагро Луис иажәақәа рыла Николас Мадуро Венесуела ахадак иҳасаб ала инапынҵақәа аанижьыр – иреиӷьу гуманитартә цхыраарахоит Боливариантәи Ареспубликазы.
Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент ахада Хуан Гуаидо ажьырныҳәа 23 рзы атәыла ахадас ихы рылеиҳәеит.
Усҟан Гуаидо истатус адгылара арҭеит Еиду америкатәи аштатқәеи егьырҭ атәылақәа жәпаки.
Урыстәыла Мадуро адгылара инаҭоит аконституциатә шьаҭа зманы иҟоу атәыла ахадак иаҳасаб ала.
Гуаидо аҳәамҭа ҟаиҵеит аруааи иареи аинырра шрымоу азы
Европатәи атәылақәа зеижә: Испаниа, Португалиа, Германиа, Великобританиа, Даниа, Нидерланды, Франциа, Венгриа, Австриа, Финлиандиа, Бельгиа, Лиуксембург, Чехиа, Латвиа, Литва, Естониа, Польша, Швециа, Хорватиа, Македониа, Румыниа - жәабран 4 рзы рнапы еицаҵарҩит адекларациа, уа иазгәарҭеит Хуан Гуаидо аамҭалатәи Венесуела ахада ҳәа дшазхарҵо.